فدوى مواسي

بدأت قصتي مع المطبخ الصحي من بيتي. كأم لثلاثة أولاد ومهندسة أغذية، كنت دايماً أدوّر على حلول عملية تحافظ على صحة عيلتي بدون ما تعقّد حياتي.

لقيت إنه كثير من المنتجات الموجودة بالسوق ما بتلبّي احتياجات المرأة العربية — لا بالحجم، ولا بالتصميم، ولا بالجودة. فقررت أبدأ أختار وأصمم منتجات تناسبنا.

البقجة كانت أول منتج — فكرة بسيطة وقديمة من جدّاتنا، بس بتنفيذ عصري. طنجرة بطيئة بدون كهرباء بتحافظ على الطعم والقيمة الغذائية. بعنا أكثر من 10,000 بقجة ولسّا الطلب بيزيد.

بعدها أضفنا حافظات الطعام العازلة — لأنه مشاركة الأكل جزء أساسي من ثقافتنا. وأكياس الحفظ من أقمشة تتنفّس للخضرة والأعشاب. وشبكات التجفيف للبصل والثوم. كل منتج بحلّ مشكلة حقيقية بالمطبخ.

في بيت فدوى، كل منتج بمرّ من مطبخي قبل ما يوصلك. بجرّبه، بستخدمه، وبس لما أكون مقتنعة فيه 100% بعرضه عندكم.